ខេត្តសៀមរាប ÷ នាទីថ្ងៃទី១៥ ខែ​តុលា​ ឆ្នាំ២០២៥​ ឯកឧត្តម ឧត្តមសេនីយ៍ត្រី សឿន សេន ប្រធានការិយាល័យប្រឆាំងបទល្មើសសេដ្ឋកិច្ចដឹកនាំកងកម្លាំង ដោយមានការអនុញ្ញាតពីសំណាក់ លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប និងក្រោមការសម្របសម្រួលនីតិវិធី ពីឯកឧត្តម មាស​ ច័ន្ទ​ពិសិដ្ឋ​ ព្រះរាជ​អាជ្ញា​នៃ​អយ្យការ​អម​សាលា​ដំបូង​ខេត្ត​សៀមរាប បានចុះឃាត់រថយន្តហុីយ៉ាន់ដាយ (Hyundai) មួយគ្រឿង នៅចំណុចភូមិស្ពានជ្រាវ សង្កាត់សៀមរាប ក្រុងសៀមរាប ពាក់ពន្ធនឹងករណីចែកចាយបារីម៉ាកអុីសេ ESSE ក្លែងក្លាយ ដែលម្ចាស់រថយន្តមានឈ្មោះ ជីប ចន្ថន អាយុ៣៨ឆ្នាំ។ក្នុងករណីនេះកម្លាំងផែននគរបាលប្រឆាំងបទល្មើសសេដ្ឋកិច្ចបានធ្វើចំណាត់ការ៖

-ឃាត់ជនសង្ស័យ១នាក់
-ឃាត់ទុករថយន្ត ១គ្រឿង
– បារី ESSE ក្លែងក្លាយ ចំនួន២៤០សុង និង៥កញ្ចប់
-ទូរស័ព្ទ ២គ្រឿង និងសម្ភារ:ប្រើប្រាស់មួយចំនួនទៀត ជនសង្ស័យ និងវត្ថុតាងទាំងអស់ ត្រូវបានរៀបចំកសាងសំនុំរឿង បញ្ជូនទៅកាន់ស្ថាប័នអយ្យការ នៃសាលាដំបូងខេត្តសៀមរាប ដើម្បីអនុវត្តទៅតាមនីតិវិធីនៃច្បាប់ជាធរមាន។