ប៉ោយប៉ែត ÷

កាលពីថ្ងៃសុក្រ ៧ កើត ខែភទ្របទ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២ ខែកញ្ញា ឆ្នាំ២០២២
អង្គការតំណក់ទឹក បានរៀបចំពិធីសម្ពោធនិងដាក់ឲ្យប្រើប្រានៅ អគារសិក្សាពេញមួយជីវិត ដែលមានកម្ពស់ 2 ជាន់ មាន៣បន្ទុបរៀប និងសាលប្រជុំ ១បន្ទុប ស្ថិតក្នុងភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

ពិធីសម្ពោធដាក់ឲ្យប្រើប្រាស់នៅ អាគារសិក្សាពេញមួយជីវិត ក្រោមអធិបតីភាពដ៏ខ្ពង់ខ្ពស់របស់ឯកឧត្តម ណុប ស្លេះ រដ្ឋលេខាធិការតំណាងខ្ពង់ខ្ពស់ ឯកឧត្តមបណ្ឌិតសភាចារ្យ ហង់ ជួនណារ៉ុង រដ្ឋមន្ត្រីក្រសួងអប់រំយុវជននិងកីឡា ។
លោក ឈឿន ក្រៃយ៉ុង អភិបាលរងខេត្ត តំណាងខ្ពង់ខ្ពស់
ឯកឧត្តម អ៊ុ រាត្រី អភិបាលខេត្តបន្ទាយមានជ័យ ។

លោក គាត់ ហ៊ុល អភិបាលក្រុងប៉ោយប៉ែត
លោកចៅសង្កាត់ ប៉ោយប៉ែត
ប្រធានមន្ទីរអប់រំយុវជននិងកីឡា
អធិការក្រុងប៉ោយប៉ែត
កងរាជអាវុធហត្ថក្រុងប៉ោយប៉ែត
លោកមេភូមិ ចាន់គីរី
និងភ្ញៀវអន្តរជាតិជាច្រើន ជាពិសេសគណៈប្រតិភូមកពី EAC បុគ្គលិកអង្គការតំណក់ទឹកសិស្សានុសិស្ស រួមនឹងអាណាព្យាបាលរបស់សិស្សជាច្រើននាក់ផងដែរ ។

លោក សំ សុវណ្ណារិទ្ធ នាយកប្រតិបត្តិអង្គការតំណក់ទឹក បានអានរបាយការណ៍សង្ខេបអំពីអង្គការតំណក់ទឹក សាខាក្រុងប៉ោយប៉ែតចាប់ដំណើរការបេសកកម្មលើកទី 2 ដើមឆ្នាំ ១៩៩៩ ក្រោមការចង្អុលបង្ហាញរបស់ក្រសួងសង្គមកិច្ច ការងារបណ្ដុះបណ្ដាលវិជ្ជាជីវៈនិង យុវនីតិសម្បទា ដែលចាប់ផ្ដើមដំបូងនៅក្នុងទីវត្តអារាមគឺវត្ត< វត្តថ្មី > ដែលស្ថិតក្នុងសង្កាត់ប៉ោយប៉ែត ក្រុងប៉ោយប៉ែត។

អង្គការតំណក់ទឹកមានការចូលរួមពី ម្ចាស់ជំនួយជាច្រើន និងមានការគាំទ្រពីរាជរដ្ឋាភិបាល ហើយមានក្រសួងពីរដែលរួមសហការយ៉ាងជិតស្និទ ដោយអនុលោមទៅតាមគេចព្រមព្រៀងគម្រោងការរាល់ ៣ ឆ្នាំម្ដង
គឺ១ ក្រសួងសង្គមកិច្ចអតីតយុវជននិងយុវនីតិសម្បទា
២ ក្រសួងអប់រំយុវជន និងកីឡា ដែលកំពុងដំណើរការចុះកិច្ចព្រមព្រៀងគម្រោងការ៣ឆ្នាំ២០២២ ដល់ ២០២៥ ។

កន្លងមកអង្គការ បានស្ថាបនាមូលនិធិវិនិយោគទៅលើហេដ្ឋារចនាសម្ព័ន្ធ មានអគារការិយាល័យ អគារស្នាក់នៅ សាលារៀនបណ្ណាល័យ ផ្ទះបាយ បន្ទប់ទឹក បង្គន់អនាម័យ ជាច្រើនផងដែរ ។