ថ្ងៃច័ន្ទ ទី២៤ ខែមករា ឆ្នាំ២០២២
សូមទំនាក់ទំនងការិយាល័យការផ្សាយគេហទំព័រ ថ្ងៃថ្មី : 090 421 444 / 092 51 41 90/031 38 34 777
អគារសាងសង់ដ៏ធំស្កឹមស្កៃត្រូវបានបាក់កណ្ដាលក្រុងសៀមរាប ធ្វើប្រជាពលរដ្ឋសង្ស័យថាការសាងសង់គ្មានស្តង់ដារឬសាងសង់ខុសបច្ចេកទេស
Tue,10 August 2021 (Time 04:25 PM)
ដោយ ៖ ភ្នាក់ងារប្រចាំខេត្តសៀមរាប (ចំនួនអ្នកអាន: 185នាក់)


សៀមរាប ÷ ដំណឹងទើបទទួលបានឱ្យដឹងនៅថ្ងៃទី១០ ខែសីហា ឆ្នាំ ២០២១ ថា មានការបាក់សំណង់អគារមួយផ្នែករបស់ក្រុមហ៊ុនមួយ នៅក្នុងភូមិវិហារចិន សង្កាត់ស្វាយដង្គំ ក្រុងសៀមរាប។ ឧប្បត្តិហេតុនេះ មិនបានបង្កឱ្យមានគ្រោះថ្នាក់ដល់អាយុជីវិតមនុស្សណាម្នាក់នោះទេ។ ប្រភពបញ្ជាក់ថា ការបាក់ស្រុតផ្នែកខ្លះនៃអគារកំពុងសាងសង់នោះបានកើតឡើងកាលពីរសៀល ថ្ងៃអាទិត្យថ្ងៃទី ០៨ ខែសីហា ឆ្នាំ២០២១ កន្លងទៅ ដែលបណ្តាលឲ្យកម្មកររងរបួសមួយចំនួន តែមិនប៉ះពាល់ដល់ជីវិតទេ ហើយក្នុងនោះ ក៏ត្រូវបានគេសង្កេតឃើញថា ព័ត៌មានមួយនេះ ត្រូវបានរក្សាភាពស្ងៀមស្ងាត់ ឈឹងក្នុងខេត្តសៀមរាប ។ ប្រភពពលរដ្ឋរស់នៅទីនោះប្រាប់ថា មូលហេតុដែលបណ្តាលឲ្យមានបាក់ស្រុតនេះ មកពីការសាងសង់នោះ ខុសបច្ចេកទេស ។ សំណង់ដែលបាក់នោះក្រោមទំហំប្រវែងក្រោម១០ម៉ែត្រក្នុងចំណោមសំណង់ទាំងមូលរបស់ក្រុមហ៊ុនសំណង់មួយកំពុងសាងសង់ឈ្មោះRose Apple Square ស្ថិតនៅ ភូមិ វិហារចិន សង្កាត់ ស្វាយដង្គំ ក្រុង សៀមរាប។ ករណីបាក់អគារនេះ ត្រូវបានមហាជននានា លើកជាសំនួរថា តើអាគារដែលកំពុងសាងសង់មួយនេះ មានច្បាប់អនុញាត និង ការត្រួតពិនិត្យ បច្ចេកទេស ឲ្យបានត្រឹមត្រូវចេញពីមន្រ្តី ជំនាញខេត្ត សៀមរាប ដែរឬទេ ? ហើយក្នុងនោះតើមន្រ្តីជំនាញ មានការផ្អាកការសាងសង់ បណ្តោះអាសន្នដែរឬអត់? បើអគារដែលកំពុងសាងសង់នោះ មិនផ្អាកបណ្តោះអាសន្ន ហើយមិនត្រួតពិនិត្យបច្ចេកទេសឲ្យបានត្រឹម បើសិនមានការបាក់ស្រុតជាថ្មីម្តងទៀត តើអ្នកណាជាអ្នកទទួលខុសត្រូវ មន្រ្តី ឬ មេការសំណង់? ជុំវិញបញ្ហានេះដែរ នៅរសៀល ថ្ងៃទី ១០ ខែសីហា ឆ្នាំ២០២១នេះ អង្គភាពសារព័ត៌មានបានទំនាក់ទំនងទៅលោកវរសេនីយ៍ទោ ដា ចំរើន អធិការនគរបាលក្រុងសៀមរាប លោកបានប្រាប់សារព័ត៌មានយើងឲ្យដឹងថា ពេលនេះលោកកំពុងជាប់រវល់ចុះយកសំណាក ។ លោកបន្តថា ករណីនេះសួរទៅខាងរដ្ឋបាលក្រុងសៀមរាបទៅទើបដឹងច្បាស់។ រីឯលោក នួន ពុទ្ធារ៉ា អភិបាលក្រុង សៀមរាប បានប្រាប់ថា នៅពេលកើតហេតុកម្លាំងជំនាញចម្រុះ បានទៅដល់ទីតាំងនិងធ្វើការត្រួតពិនិត្យផងដែរ។ ហើយបើអ្នកសារព័ត៌មានចង់ដឹងច្បាស់ សូមសួរលោក ហុី សាយ ទើបដឹងច្បាស់ជាងនេះ ។ ក្នុងនោះលោក ហុី សាយ ប្រធានមន្ទីរ រៀបចំដែនដី នគរូបនីយកម្ម សំណង់ និង សូរិយោដី ខេត្តសៀមរាប បានប្រាប់ឲ្យសារព័ត៌មាន ដឹងតាមទូរស័ព្ទ ថា ក្រុមហ៊ុនសាងសង់នោះ គឺមានច្បាប់ត្រឹមត្រូវចេញពីក្រសួង ហើយ ការបាក់ស្រុតនោះ ខាងមន្ត្រីជំនាញរបស់លោក កំពុងតែត្រួតពិនិត្យតាមបច្ចេកទេស និង រៀបចំឯកសារ អញ្ជើញក្រុម ហ៊ុន មកធ្វើកិច្ចសន្យា ដើម្បីផ្អាកការសាងសង់បណ្តោះអាសន្ន នាពេលឆាប់ៗនេះ ។ ដោយលោក ហុី សាយ មិនបានបញ្ជាក់ឲ្យច្បាស់នោះទេថា លោកនិងធ្វើការផ្អាកការសាងសង់នោះ ពេលណា ហើយផ្អាកមានរយ:ពេលប៉ុន្មានថ្ងៃ ឬ ប៉ុន្មានខែនោះទេ ។ ទោះបីជាមានការបកស្រាយ បំភ្លឺពីមន្រ្តីជំនាញនិង ស្ថាប័នពាក់ព័ន្ធ ក្នុងខេត្តសៀមរាប យ៉ាងណាក៏ដោយ មហាជននៅតែបន្តរង់ចាំមើល ថាតើ ការបាក់សំណង់អាគារនេះ ពិតជាដូចមហាជននានា និយាយតៗគ្នា ដែរឬទេ ថា មកពីការសាងសង់នេះពុំមានបច្ចេកទេសតាមស្តង់ដា និង មន្ត្រីជំនាញមិនមានការយកចិត្តទុកដាក់ក្នុងការត្រួតពិនិត្យឲ្យត្រឹមត្រូវ៕

ព័ត៌មានគួរចាប់អារម្មណ៍

ក្រុមហ៊ុនដោន កំពុងប្រមូលឈេីពីព្រៃឡង់.ព្រៃព្រះរកានិងដែនជម្រកសត្វព្រៃគូលែនព្រហ្មទេព”យ៉ាងអនាធិបតេយ្យ! (ភ្នាក់ងារប្រចាំខេត្តព្រះវិហារ)

ព័ត៌មានគួរចាប់អារម្មណ៍

សូមក្រសួង សុខាភិបាល មេត្តាចុះស៊ើបអង្កេត ជាបន្ទាន់ បែកធ្លាយរឿងក្រុមហ៊ុនលក់ឱសថ វ៉ាយ អេស ខេអិល អុីម ផត អេចផតឯ.ក.Y.S.K.L.Import Export Co. Ltd.ថាលក់ឱសថម៉ាឡេសុីក្លែងក្លាយ (វាសនា ភ្នាក់ងារ ថ្ងៃថ្មី)

ព័ត៌មានគួរចាប់អារម្មណ៍

រថយន្តខេមរៈភូមិន្ទលេខ 2-8394 អួតក្អេងក្អាងថា មានផ្កាយ២ ផ្កាយ៣ ចាំជួយពីក្រោយក្នុងការដឹកជញ្ជួនបទល្មើសព្រៃឈើ (ភ្នាក់ងារប្រចាំខេត្តសៀមរាប)

ព័ត៌មានគួរចាប់អារម្មណ៍

មហាជន រិះគន់ថា លោក តុង ហ៊ុយ ថៅកែអេស្កា ឃុបឃិតគ្នា ជាមួយលោក ក្តោប រ៉ន កាយត្រពាំង ហែផ្កា យកអាចម៌ដីទៅលក់ ខុសពីច្បាប់អនុញាត (ភ្នាក់ងារប្រចាំខេត្តសៀមរាប)

ព័ត៌មានគួរចាប់អារម្មណ៍

ប្រជាពលរដ្ឋសុំសម្ដេចជួយពិនិត្យមើលក្នុងក្រុងប៉ោយប៉ែតល្បែងហ្គេមអនឡាញ ធ្វើឱ្យកូនគាត់ខូចអនាគតអស់ហើយ (ភ្នាក់ងារប្រចាំខេត្តបន្ទាយមានជ័យ)

វីដែអូ

ចំនួនអ្នកទស្សនា

ថ្ងៃនេះ :
4321 នាក់
ម្សិលមិញ :
12541 នាក់
សប្តាហ៍នេះ :
44970 នាក់
ខែនេះ :
162926 នាក់
3 ខែនេះ :
438563 នាក់
សរុប :
6990195 នាក់